Policy:Terms of Use/ast
Términos d'Usu This is a summary of the Terms of Use. To read the full terms, scroll down or click here. ![]() Esti ye un resume fácilmente llexible de los Términos d'Usu. Avisu: Esti resume nun forma parte de los Términos d'Usu y nun ye un documentu llegal. Namái ye una referencia afayadiza p'atalantar los términos completos. Tómalu por una interfaz amigable pal usuariu del llinguaxe llegal de los nuesos Términos d'Usu. Parte de la nuesa misión ye:
Yes llibre pa:
Baxo les condiciones siguientes:
Entendiendo que:
If you need help or you want to report a violation of these Terms of Use you can:
|
Los nuesos Términos d'Usu
Camienta nun mundu nel que cada ser humanu pue compartir llibremente p'aumentar tol conocimientu. Esi ye'l nuesu llabor. – [[foundationsite:Template:Foundationsite languageabout/vision|La nuesa visión de los proyeutos]]
¡Bienllegáu a Wikimedia! La Fundación Wikimedia, Inc. ("nós"), ye una organización ensin ánimu de porgüeyu cola [[foundationsite:Template:Foundationsite languageabout/mission|misión]] d'animar y sofitar a xente de tol mundu a coleicionar y desenrollar conteníu baxo una llicencia llibre o nel dominiu públicu, y a espardelo global y eficientemente, llibre de cargos.
Pa sofitar a la nuesa vibrante comunidá, proporcionamos la infraestructura esencial y el marcu organizativu pal desenrollu de Proyectos wiki multillingües y les sos ediciones (talo y como s'esplica [[foundationsite:Template:Foundationsite languageour-work/wikimedia-projects|equí]]) y otros esfuercios que sirvan a esta misión. Naguamos por facer y caltener conteníu educativu y informativu de los Proyeutos disponibles n'internet llibres de cargos y pa siempre.
Dámoste ("tu" o l'"usuariu") la bienllegada como llector, editor, autor o collaborador a los Proyeutos Wikimedia, y animámoste a que te xunas a la comunidá de Wikimedia. Enantes de participar, sicasí, pidímoste por favor que lleas y deas el vistu bonu a los Términos d'Usu siguientes ("Términos d'Usu").
Resume
Estos Términos d'Usu esplíquente los servicios públicos de la Fundación Wikimedia, la nuesa rellación contigo como usuariu, y los drechos y deberes que nos guíen a toos. Queremos que sepas qu'agospiamos una ablucante cantidá de conteníu educativu y informativu, siendo aportáu y siendo vidable por usuarios como tu. Xeneralmente nun contribuyimos, monitorizamos nin desaniciamos conteníu (cola rara esceición de polítiques como estos Términos d'Usu o notificaciones llegales como DMCA). Esto significa que'l control editorial ta nes tos manes y nes de los tos usuarios compañeros que creáis y remanáis el conteníu. Nós únicamente agospiamos esti conteníu.
La comunidá (la rede d'usuarios que tán construyendo y usando de contino los distintos sitios o Proyeutos) ye'l mediu principal pel que s'algamaron los oxetivos de la misión. La comunidá contribúi y ayuda a controlar los nuesos sitios. La comunidá asume la función crítica de crear y xestionar polítiques pa les ediciones específiques de Proyeutos (como les ediciones n'otres llingües del proyeutu Wikipedia o la edición multillingüe de Wikimedia Commons).
Convidámoste a xunite como collaborador, editor o autor, pero has siguir les polítiques que controlen cada una de les ediciones independientes de los Proyeutos. El más grande de los nuesos Proyeutos ye Wikipedia, pero tamién agospiamos otros Proyeutos, caún con oxetivos y métodos de trabayu distintos. Cada edición de Proyeutu tien un equipu de collaboradores, editores o autores que trabayen xuntos pa crear y remanar el conteníu nesa edición de Proyeutu. Convidámoste a xunite a estos equipos y a trabayar con ellos p'ameyorar estos Proyeutos. Como nos dedicamos a ufrir conteníu al públicu accesible llibremente, normalmente requerimos que tol conteníu col que contribúis tea disponible baxo una llicencia llibre o nel dominiu públicu.
Por favor, ten en cuenta que yes llegalmente responsable de toles tos contribuciones, ediciones y reutilización del conteníu Wikimedia baxo les lleis de los Estaos Xuníos d'América y d'otres lleis aplicables (que puen incluyir les lleis onde vives tu o onde edites conteníu). Esto significa que ye importante que tengas precaución cuando publiques conteníu. A la lluz d'esta responsabilidá, tenemos delles regles tocante a lo que nun pues publicar, lo más d'ello pola to propia proteición o pola proteición d'otros usuarios como tu. Por favor, recuerda que'l conteníu qu'agospiamos ye namái pa fines d'información xeneral, si necesites asesoramientu espertu pa una cuestión en particular (como asuntos médicos, llegales o financieros), habríes buscar ayuda d'un profesional llicenciáu o cualificáu. Tamién incluyimos otros avisos y llimitaciones de responsabilidá, asina que por favor llei estos Términos d'Usu completamente.
Pa mayor claridá, otres organizaciones, como los capítulos llocales de Wikimedia y asociaciones, que puen compartir la mesma misión, son llegalmente independientes, tán separtaes de la Fundación Wikimedia y nun tienen responsabilidá sobre les operaciones del sitiu web o del so conteníu.
1. Los nuesos servicios
La Fundación Wikimedia dedícase a fomentar el crecimientu, desenrollu y distribución de conteníu llibre multillingüe, y a agospiar tol conteníu d'estos proyeutos basaos en wiki pal públicu llibre de cargos. El nuesu papel ye agospiar dalgunos de los proyeutos más collaborativamente editaos del mundu, que puen atopase equí. Sicasí, namái actuamos como un serviciu agospiador, calteniendo la infraestructura y el marcu organizativu que permite a los nuesos usuarios construyir los Proyeutos Wikimedia contribuyendo y editando'l conteníu ellos mesmos. Per aciu d'ello, hai un par de coses qu'habríes tener en cuenta al considerar la nuesa rellación contigo, los Proyeutos y los demás usuarios:
- Nun exercemos un papel editorial: Como los Proyeutos Wikimedia son editaos collaborativamente, tol conteníu qu'agospiamos ta furníu por usuarios como tu mesmu, y nun exercemos un papel editorial. Esto significa que xeneralmente nun monitorizamos nin editamos el conteníu de los sitios web de los Proyeutos, y nun garramos responsabilidá dala por esti conteníu. Asina mesmo, nun sofitamos nenguna opinión espresada al traviés de los nuesos servicios, y nun representamos nin garantizamos la veracidá, fidelidá o enfotu de cualquier conteníu publicáu pola comunidá. En cuenta d'ello, namái furnimos accesu al conteníu qu'editaron y col que contribuyeron los tos usuarios compañeros.
- Yes responsable de les tos aiciones: Yes llegalmente responsable de les tos ediciones y contribuciones nos Proyeutos Wikimedia, asina que pola ta propia proteición habríes tener precaución y evitar contribuyir con cualesquier conteníu que pudiera resultar en responsabilidá civil o penal baxo cualesquier llei aplicable. Especificando, les lleis aplicables inclúin a lo menos les lleis de los Estaos Xuníos d'América. Magar que podamos nun tar d'alcuerdu con tales aiciones, encamentamos a los editores y collaboradores que les autoridaes puen facer por aplicate lleis d'otros países, incluyendo les lleis llocales onde vives o onde ves o edites el conteníu. WMF normalmente nun pue ufrir proteición, garantía, inmunidá nin indemnizaciones.
2. Política de privacidá
Animámoste a que revises los términos de la nuesa Política de Privacidá, pa que teas alvertíu de cómo recoyemos y usamos la to información. Como los nuesos servicios los usa xente de tol mundu, la información personal que recoyemos pue ser archivada y procesada nos Estaos Xuníos d'América o en cualesquier otru país nel que nós o los nuesos axentes tengan instalaciones. Usando los nuesos servicios, almites cualesquier tresferencia d'información fuera del to país.
3. Conteníu qu'agospiamos
- Seique deas con material discutible o erroneu: Como furnimos una gran cantidá de conteníu producíu o recopiláu por usuarios compañeros, pues atopar material que te paeza ofensivu, erroneu, engañosu o discutible. Poro, pidímoste qu'uses el sentíu común y el xuiciu apropiáu al usar los nuesos servicios.
- El nuesu conteníu namái tien un fin d'información xeneral: Magar qu'agospiamos una gran cantidá d'información que cinca a temes profesionales, incluyendo asuntos médicos, llegales y financieros, esti conteníu preséntase namái pa fines d'información xeneral. Nun han interpretase como conseyos profesionales. Por favor busca conseyu profesional independiente en persones llicenciaes o cualificaes pa la estaya correspondiente en cuenta d'actuar énte cualesquier información, opinión o conseyu conteníu nos sitios web de los Proyeutos.
4. Astención de ciertes actividaes
Los Proyeutos agospiaos pola Fundación Wikimedia esisten gracies a la vibrante comunidá d'usuarios como tu que collaboren xuntos pa escribir, editar y revisar el conteníu. Tamos gayoleros de que participes nesta comunidá. Animámoste a que seyas cívicu y educáu nes tos interaiciones colos demás na comunidá, a qu'actúes de bona fe y a que faigas ediciones y contribuciones empobinaes a esparder la misión del Proyeutu compartíu.
Delles actividaes, seyan llegales o illegales, puen ser dañibles pa otros usuarios y puen violar les nueses regles, y otres actividaes puen obligate a responsabilidaes. Poro, pola to propia proteición y pola de los demás usuarios, nun pues participar de tales actividaes nos nuesos sitios. Estes actividaes inclúin:
- Acosar y abusar de los demás
- Participar n'acosu, amenaces, acechu, difamación o vandalismu; y
- Tresmitir cadenes de corréu, corréu puxarra o corréu non deseáu a otros usuarios.
- Violar la privacidá de los demás
- Infrinxir los drechos de privacidá d'otros baxo les lleis de los Estaos Xuníos d'América o otres lleis aplicables (que puen incluyir les lleis d'onde vives o d'onde ves o edites el conteníu);
- Solicitar información identificable personalmente pa fines d'acosu, esplotación, violación o privacidá, o pa cualesquier fin promocional o comercial non aprobáu esplícitamente pola Fundación Wikimedia; y
- Solicitar información identificable personalmente a menores de 18 años pa fines illegales o violar cualesquier llei qu'aborde la salú y el bientar de los menores.
- Participar en falsos testimonios, suplantación de personalidá o fraude
- Publicar de mou intencionáu o con conocencia conteníu que constituya calumnies o difamaciones;
- Publicar, cola intención d'engañar, conteníu que ye falsu o inexautu;
- Facer por usurpar la identidá d'otru usuariu o individuu, representando falsamente la to afiliación a cualesquier persona o entidá, o usando'l nome d'usuariu d'otru usuariu cola intención d'engañar; y
- Participar en fechos fraudulentos.
- Cometer infraiciones
- De drechos d'autor, marques rexistraes, patentes o cualesquier otru drechu de propiedá baxo les lleis aplicables.
- Usar indebidamente los nuesos servicios pa otros fines illegales
- Publicar pornografía infantil o cualesquier otru conteníu que viole les lleis aplicables a la pornografía infantil;
- Publicar o traficar con material obscenu que seya illícitu baxo les lleis aplicables; y
- Usar los servicios de mou inconsistente coles lleis aplicables.
- Participar nun usu perxudicial o illegal de les instalaciones
- Publicando o distribuyendo conteníu que poseya virus, software malintencionáu, guxanos, caballos de troya, códigu maliciosu o cualesquier otru dispositivu que pudiera dañar la nuesa infraestructura téunica, el nuesu sistema o lo d'otros usuarios;
- Participando n'usos automatizaos del sitiu que seyan abusivos o perxudiciales pa los servicios y que nun tengan sío aprobaos pola comunidá de Wikimedia;
- Perxudicando los servicios allugando una carga indebida nun sitiu web d'un Proyeutu o nes redes o sirvidores coneutaos a un sitiu web d'un Proyeutu;
- Perxudicando los servicios inundando cualesquiera de los sitios web d'un Proyeutu con comunicaciones o demás tráficu que suxera un intentu non seriu d'usar el sitiu web del Proyeutu pal fin pol que se diseñó esti;
- Acceder, manipular o usar a sabiendes cualesquiera de les nueses estayes non públiques nos nuesos sistemes informatizaos ensin autorización; y
- Sondiar, escaniar o probar la vulnerabilidá de cualesquiera de los nuesos sistemes téunicos o redes a nun ser que se cumplan toles condiciones siguientes:
- que tales aiciones nun abusen o trestornen sobre manera los nuesos sistemes téunicos o redes;
- que tales aiciones nun seyan pa porgüeyu personal (sacante pal creitu del to trabayu);
- qu'informes de cualesquier vulnerabilidá a los desenrolladores de MediaWiki (o lo igües tu mesmu); y
- que nun lleves a cabu tales aiciones con intención maliciosa o destructiva.
- Paid contributions without disclosure
- These Terms of Use prohibit engaging in deceptive activities, including misrepresentation of affiliation, impersonation, and fraud. As part of these obligations, you must disclose your employer, client, and affiliation with respect to any contribution for which you receive, or expect to receive, compensation. You must make that disclosure in at least one of the following ways:
- a statement on your user page,
- a statement on the talk page accompanying any paid contributions, or
- a statement in the edit summary accompanying any paid contributions.
- Applicable law, or community and Foundation policies and guidelines, such as those addressing conflicts of interest, may further limit paid contributions or require more detailed disclosure.
- A Wikimedia Project community may adopt an alternative paid contribution disclosure policy. If a Project adopts an alternative disclosure policy, you may comply with that policy instead of the requirements in this section when contributing to that Project. An alternative paid contribution policy will only supersede these requirements if it is approved by the relevant Project community and listed in the alternative disclosure policy page.
- For more information, please read our FAQ on disclosure of paid contributions.
Reservámonos el drechu a exercitar el nuesu criteriu de cumplimientu tocante a los términos descritos más arriba.
5. Seguridá de la clave
Yes responsable de salvaguardar la to clave y d'enxamás amosala a nengún terceru.
6. Marques rexistraes
Magar que tienes una llibertá considerable pa reutilizar el conteníu de los sitios web de los Proyeutos, ye importante que, na Fundación Wikimedia, protexamos los nuesos drechos de marca rexistrada pa que podamos protexer a los nuesos usuarios de suplantadores de personalidá fraudulentos. Per aciu d'ello, pidímoste que por favor respetes les nueses marques rexistraes. Toles marques rexistraes de la Fundación Wikimedia pertenecen a la Fundación Wikimedia, y cualesquier usu de les nueses marques rexistraes, marques de serviciu, llogos o nomes de dominiu ha tar en cumplimientu con estos Términos d'Usu y cola nuesa política de marca rexistrada.
7. Llicencia del conteníu
Pa facer medrar el conocimientu y la cultura llibres en común, pídense a tolos usuarios que collaboren colos Proyeutos unos permisos amplios al públicu xeneral pa redistribuyir y reutilizar les sos contribuciones llibremente, con tal de que'l so usu seya atribuyíu apropiadamente y se garantice la mesma llibertá pa reutilizalo y redistribuyilo a cualesquier trabayu deriváu. Pa mantener el nuesu fin d'apurrir información llibre a la más amplia audiencia posible, pidimos que cuando seya necesario tol conteníu unviáu tea llicenciáu pa que seya llibremente reutilizable por tou aquel que quiera acceder a él.
Tu aceutes los requerimientos de llicencia siguientes:
Testu del que tienes los drechos d'autor: Cuando unvies testu del que tienes los drechos d'autor, aceutes llicencialu baxo:
- [$1 Llicencia Creative Commons Attribution-ShareAlike 3.0 Unported] (“CC BY-SA”), y
- [$2 Llicencia GNU Free Documentation] (“GFDL”) (ensin versionar, ensin seiciones, testu de portada nin de contraportada invariantes).
(Los reutilizadores puen axustase a una o a dambes llicencies.)
La única esceición ye si la edición del Proyeutu o de la función requier una llicencia diferente. Nesti casu, aceutes llicenciar cualesquier testu col que contribuyas baxo esa llicencia particular. Por exemplu, nel momentu de la publicación d'esta versión de los Términos d'Usu, la Wikinews n'inglés obliga a que tol conteníu de testu tea llicenciáu baxo la Llicencia Creative Commons Attribution 2.5 Generic (CC BY 2.5) y nun requier una llicencia dual xunto con GFDL.
Por favor, date cuenta de qu'estes llicencies permiten usos comerciales de les tos contribuciones, con tal de que talos usos cumplan los términos.
- Atribución: L'atribución ye una parte importante d'estes llicencies. Considerámoslo dando creitu onde se debe: a los autores como tu mesmu. Cuando contribúis con testu, aceutes que seyas atribuyíu de cualesquiera de les formes siguientes:
- Al traviés d'un hiperenllaz (cuando seya posible) o URL al artículu col que contribuyisti (yá que cada artículu tien una páxina d'historial que llista tolos autores y editores);
- Al traviés d'un hiperenllaz (cuando seya posible) o URL a una copia en llinia alternativa y estable que seya accesible llibremente, que cumpla la llicencia y qu'ufra creitu a los autores d'una manera equivalente al creitu dau nel sitiu web del Proyeutu; o
- Al traviés d'una llista de tolos autores (pero por favor date cuenta de que les llistes d'autores puen ser filtraes pa escluyir contribuciones mui pequeñes o non relevantes).
- Importar testu: Pues importar testu qu'atopes en cualesquier otru llugar o del que seyas coautor con otros, pero nesti casu garantices que'l testu ta disponible baxo los términos compatibles cola llicencia CC BY-SA 3.0 (o, como queda esplicao más arriba, baxo otra llicencia que seya requerida esceicionalmente pola edición del Proyeutu o la función) ("CC BY-SA"). Nun se permite'l conteníu disponible namái baxo GFDL.
- Ficheros non de testu: Los ficheros non de testu tán disponibles baxo una variedá de llicencies distintes que persiguen el fin xeneral de permitir la reutilización y la redistribución non restrinxíes. Cuando contribúis con ficheros non de testu, aceutes que cumple los requerimientos d'eses llicencies como queda descrito na nuesa Política de Llicencies, y que tamién cumple los requerimientos de la edición del Proyeutu o función específiques na que tas contribuyendo. Mira tamién la Política de Llicencies de Wikimedia Commons pa más información tocante a contribuyir con ficheros non de testu nesi Proyeutu.
- Non revocación de llicencia: Sacante cuando seya consistente cola to llicencia, aceutes que nun vas revocar unillateralmente o buscar invalidación de cualesquier llicencia que tengas dao baxo estos Términos d'Usu a conteníu de testu o ficheros non de testu colos que contribuyeras a los Proyeutos o funciones de Wikimedia, inda si fines col usu de los nuesos servicios.
- Conteníu de dominiu públicu: ¡El conteníu del dominiu públicu ye bienllegáu! Ye importante, sicasí, que confirmes la condición de dominiu públicu del conteníu baxo la llei de los Estaos Xuníos d'América asina como baxo les lleis de cualesquier otru país como se requiera na edición específica del Proyeutu. Cuando contribúis con conteníu del dominiu públicu, garantices que'l material ta realmente nel dominiu públicu, y qu'aceutes etiquetalo apropiadamente.
- Reutilización: La reutilización del conteníu qu'agospiamos ye bienllegada, anque esisten esceiciones pa conteníu contribuyíu baxo un "usu honráu" o esenciones baxo la llei de drechos d'autor. Toa reutilización ha cumplir cola o coles llicencies subyacentes.
Cuando reutilices o redistribúis una páxina de testu desenrollada pola comunidá de Wikimedia, aceutes atribuyir a los autores de cualesquiera de les formes siguientes:- Al traviés d'un hiperenllaz (cuando seya posible) o URL a la páxina o páxines que teas reutilizando (yá que cada páxina tien una páxina d'historial que llista tolos autores y editores);
- Al traviés d'un hiperenllaz (cuando seya posible) o URL a una copia en llinia alternativa y estable que seya accesible llibremente, que cumpla la llicencia y qu'ufra creitu a los autores d'una manera equivalente al creitu dau nel sitiu web del Proyeutu; o
- Al traviés d'una llista de tolos autores (pero por favor date cuenta de que les llistes d'autores puen ser filtraes pa escluyir contribuciones mui pequeñes o non relevantes).
Si'l conteníu del testu foi importáu dende otra fonte, ye posible que'l conteníu tea llicenciáu baxo una llicencia compatible CC BY-SA pero non GFDL (como quedó descrito n'"Importar testu" más arriba). Nesti casu, aceutes cumplir cola llicencia compatible CC BY-SA y nun tienes la opción de rellicencialo baxo GFDL. Pa determinar la llicencia que s'aplica al conteníu que quies reutilizar o redistribuyir, habríes revisar el pie de páxina, l'historial de la páxina y la páxina d'alderique.
Amás, por favor ten en cuenta que'l testu que seya orixináu en fontes esternes y importáu a un Proyeutu pue tar baxo una llicencia que prevea requerimientos d'atribución adicionales. Los usuarios aceuten indicar nidiamente estos requerimientos d'atribución adicionales. Dependiendo del Proyeutu, talos requerimientos puen apaecer, por exemplu, nun anunciu o n'otros sistemes d'anotación, señalando que dalgo o tol conteníu fuera publicao orixinalmente en cualesquier otru llugar. Cuando heba tales anotaciones visibles, los reutilizadores habrán calteneles.
Pa tolos ficheros non de testu, aceutes cumplir con cualesquier llicencia baxo la que'l trabayu quedara disponible (pue sabese calcando nel trabayu y mirando la seición de llicencia na so páxina de descripción o revisando una páxina fonte aplicable d'esi trabayu). Al reutilizar cualesquier conteníu qu'agospiamos, aceutes cumplir colos requerimientos d'atribución relevantes que correspuendan cola llicencia o llicencies subyacentes. - Cambeos o amestadures al material que tas reutilizando: Al camudar o facer amestadures al testu qu0obtuvisti d'un sitiu web d'un Proyeutu, aceutes llicenciar esti conteníu camudáu o amestáu baxo CC BY-SA 3.0 o posterior (o, como quedó esplicao más arriba, a cualesquier otra llicencia cuando seya esceicionalmente requerida pola edición del Proyeutu o función específicos).
Cuando camudes o faes amestadures a cualesquier ficheru non de testu qu'obtuvieras d'un sitiu web d'un Proyeutu, aceutes llicenciar el conteníu camudáu o amestáu acordies con cualesquier llicencia baxo la que'l trabayu tuviera disponible.
Tanto con conteníu de testu como con ficheros non de testu, aceutes indicar nidiamente que'l trabayu orixinal foi camudáu. Si tas reutilizando conteníu de testu nuna wiki, ye abondo con indicar nel historial de la páxina que ficisti un cambéu al testu importáu. Por cada copia o versión camudada que distribuyas, aceutes incluyir un mensaxe de llicencia qu'estableza la llicencia baxo la que'l trabayu ye publicáu, arriendes d'un hiperenllaz o un URL del testu de la llicencia o una copia de la propia llicencia.
Aceutes que, si importes testu baxo una llicencia CC BY-SA que requiera atribución, has acreitar al autor (o autores) d'una manera razonable. Onde tal creitu se dea normalmente al traviés d'historiales de páxines (como la copia interna en Wikimedia), ye abondo con dar l'atribución nel resume d'edición, que queda grabáu nel historial de la páxina al importar el testu. Los requerimientos d'atribución hai vegaes que son demasiao cafiantes en circunstancies particulares (independientemente de la llicencia), y pue haber casos en que la comunidá de Wikimedia decida que'l testu importáu nun pue ser usáu por esi motivu.
8. Conformidá con DMCA
La Fundación Wikimedia quier asegurar que'l conteníu qu'agospiamos puea ser reutilizáu por otros usuarios ensin riesgu de responsabilidá y que nun tea infrinxendo los drechos de propiedá d'otros. Pa facer xusticia colos nuesos usuarios y con otros creadores y poseyedores de drechos d'autor, la nuesa política ye responder a notificaciones d'infraiciones que cumplen coles formalidaes del Digital Millennium Copyright Act (DMCA). Según la DMCA, daremos fin, nes circunstancies apropiaes, a usuarios y poseyedores de cuentes del nuesu sistema y de la nuesa rede que seyan infrautores reincidentes.
Sicasí, tamién reconocemos que non toles notificaciones de finamientu son válides o de bona fe. Nestos casos, encamentamos fuertemente a los usuarios a informar con contranotificaciones cuando creyan apropiadamente qu'un pidimientu de finamientu DMCA seya non válidu o impropiu. Pa más información tocante a qué facer si camientes qu'una notificación DMCA foi informada non apropiadamente, seique quieras consultar el sitiu web Chilling Effects.
Si yes el propietariu d'un conteníu que tea siendo usáu inapropiadamente nún de los Proyeutos ensin el to permisu, pues solicitar que'l conteníu seya desaniciáu acordies col DMCA. Pa realizar esa solicitú, por favor únvianos un corréu electrónicu a legal
wikimedia.org
o un escritu per corréu ordinariu al nuesu axente designáu a esta direición.
De forma alternativa, pues efeutuar una solicitú a la nuesa comunidá, que normalmente siempre remana los asuntos de drechos d'autor más rápida y eficientemente que como ordena'l DMCA. Nesti casu, pues unviar una notificación esplicando l'asuntu de los drechos d'autor. Pa una llista non exhaustiva y non autorizada de los procesos relevantes de les distintes ediciones de los Proyeutos, mira equí. Enantes de rellenar una reclamación DMCA, tamién tienes la opción d'unviar un corréu electrónicu a la comunidá en info
wikimedia.org
.
9. Sitios web y recursos de terceros
Tu yes l'únicu responsable del usu que-y deas a cualesquier sitiu web o recursu de terceros. Magar que los Proyeutos contienen enllaces a sitios web y recursos de terceros, nun empobinamos nin somos responsables de la so disponibilidá o fidelidá, nin del conteníu, productos o servicios rellacionaos (incluyendo, ensin llimitación, tolos virus o funciones inhabilitadores), nin tenemos nenguna obligación de monitorizar tal conteníu de terceros.
10. Remanamientu de sitios web
La comunidá tien el fin principal de crear y facer cumplir polítiques que s'apliquen a les distintes ediciones de los Proyeutos. Na Fundación Wikimedia, raramente intervenimos nes decisiones de la comunidá tocantes a les polítiques y la so aplicación. En dalgún casu raru, pue ser necesario, o la comunidá pue pidinos, que nos dirixamos a un usuariu especialmente problemáticu debío a una alteración significativa nun Proyeutu o a un comportamientu peligrosu. Nestos casos, acutamos el drechu, pero nun tenemos obligación de:
- Investigar el to usu del serviciu (a) pa determinar si se violaron estos Términos d'Usu, una política de la edición d'un Proyeutu, o cualesquier otra política o llei aplicable, o (b) pa cumplir con toles lleis aplicables, procesos llegales o pidimientos gubernamentales pertinentes;
- Deteutar, prevenir o de cualesquier mou abordar casos de fraude, de seguridá o téunicos, o responder a solicitúes d'encontu d'usuariu;
- Refugar, deshabilitar o restrinxir l'accesu a les contribuciones de cualesquier usuariu que viole estos Términos d'Usu;
- Torgar qu'un usuariu edite o bloquiar la cuenta d'un usuariu o'l so accesu por aiciones que violen estos Términos d'Usu, incluyendo infraiciones reincidentes de drechos d'autor;
- Tomar midíes llegales escontra los usuarios que violen estos Términos d'Usu (incluyendo informes a les autoridaes policiales); y
- Remanar d'otru mou los sitios web de los Proyeutos de forma que se facilite'l so funcionamientu apropiáu y se protexan los drechos, la propiedá y la seguridá tanto nuesa como de los nuesos usuarios, llicenciatarios, socios y el públicu en xeneral.
N'interés de los nuesos usuarios y de los Proyeutos, na circunstancia estrema en que a dalgún individuu se-y tenga bloquiao la so cuenta o'l so accesu por esta causa, prohíbese-y crear o usar otra cuenta o tratar d'acceder al mesmu proyeutu, a nun ser que-y deamos un consentimientu esplícitu. Ensin llimitar l'autoridá de la comunidá, la Fundación Wikimedia nun torgará la edición o contribución nin bloquiará la cuenta d'usuariu o'l so accesu namái por facer crítiques de bona fe que nun resulten n'aiciones que violen estos Términos d'Usu o les polítiques de la comunidá.
La comunidá de Wikimedia y los sos miembros tamién puen tomar aiciones cuando se-yos permita al traviés de la comunidá o de les polítiques de la Fundación d'una edición de Proyeutu específica, incluyendo pero non llimitándose a avisar, investigar, bloquiar o torgar usuarios que violen estes polítiques. Aceutes cumplir les decisiones finales de les entidaes de resolución de la disputa que s'establezan pola comunidá pa les ediciones de Proyeutu específiques (como comités d'arbitraxe); estes decisiones puen incluyir sanciones talo y como queda descrito nes polítiques de la edición de Proyeutu específica.
Los usuarios especialmente problemáticos que tuvieran les cuentes o l'accesu bloquiáu en varies ediciones de Proyeutu puen tar suxetos a una espulsión de toles ediciones de los Proyeutos, acordies cola Política d'Espulsión Global. En contraste coles resoluciones del Conseyu d'Alministración o d'estos Términos d'Usu, les polítiques afitaes pola comunidá, que puen cubrir una sola o varies ediciones de Proyeutu (como la Política d'Espulsión Global), puen ser modificaes polos usuarios acordies colos sos propios procedimientos.
El bloquéu d'una cuenta o'l so accesu o la espulsión d'un usuariu baxo estos términos fadráse acordies cola Seición 12 d'estos Términos d'Usu.
11. Resoluciones y polítiques de los Proyeutos
El Conseyu d'Alministración de la Fundación Wikimedia publica polítiques oficiales de cuando en vez. Dalguna d'estes polítiques pue ser obligatoria pa un Proyeutu o edición de Proyeutu en particular, y, cuando asina seya, aceutes cumplir con ella en tolos sos términos.
12. Finamientu del alcuerdu
Magar qu'esperamos que sigas contribuyendo nos Proyeutos, pues dexar d'usar los nuesos servicios en cualesquier momentu. En delles (esperamos improbables) circunstancies pue ser necesario tanto pa nós mesmos como pa la comunidá de Wikimedia o los sos miembros (talo como queda descrito na Seición 10) finar con parte de o con tolos nuesos servicios, finar con estos Términos d'Usu, bloquiar la to cuenta o l'accesu, o espulsate como usuariu. Si la to cuenta o accesu tán bloquiaos o finaos de dalguna manera por cualesquier motivu, les tos contribuciones públiques permanecerán disponibles públicamente (suxetes a les polítiques aplicables), y, a nun ser que te notifiquemos otro, tovía podrás acceder a les nueses páxines públiques col únicu motivu de lleer el conteníu públicamente disponible nos Proyeutos. En tales circunstancies, sicasí, nun pues acceder a la to cuenta o configuraciones. Reservámonos el drechu a suspender o finar los servicios en cualesquier momentu, con o ensin causa, y con o ensin avisu. Mesmo depués de que'l to usu y participación tean torgaos, bloquiaos o suspendíos de dalguna manera, estos Términos d'Usu siguirán siendo efeutivos no tocante a les disposiciones relevantes, incluyendo les Seiciones 1, 3, 4, 6, 7, 9-15 y 17.
13. Disputes y xurisdicción
Destacao pa enfatizar
Esperamos que nun te surdan desalcuerdos serios pero, nel casu d'haber una disputa, encamentámoste que busques la resolución al traviés de los procedimientos de resolución de disputes o los mecanismos furníos polos Proyeutos o les ediciones de Proyeutos y la Fundación Wikimedia. Si quies presentar una reclamación llegal escontra nós, aceutes presentala y resolvela esclusivamente nun xulgáu estatal o federal del Condáu de San Francisco, California. Tamién aceutes que les lleis del Estáu de California y, na estensión aplicable, les lleis de los Estaos Xuníos d'América gobernarán estos Términos d'Usu, asina como cualesquier reclamación llegal que pudiera surdir ente tu y nós (ensin referencia a conflictos de los principios de les lleis). Aceutes unviar a la xurisdicción personal de, y aceutes que'l llugar ye apropiáu, los xulgaos allugaos nel Condáu de San Francisco, California, pa cualesquier aición o procedimientu llegal rellativu a nós o a estos Términos d'Usu.
P'asegurar que les disputes s'efeutúen lluego, aceutes que, magar cualesquier estatutu o llei que diga lo contrario, cualesquier reclamación o causa d'aición que pudieras presentar en rellación al usu de los nuesos servicios o estos Términos d'Usu han ser efeutuaos dientro del plazu qu'afita l'estatutu de llimitaciones aplicables o, si fuera enantes, hasta un (1) añu depués de que los fechos pertinentes que xeneren la reclamación o la causa d'aición fueran descubiertos con dilixecia razonable (o se torgaran pa siempre).
14. Avisos llegales
Destacao pa enfatizar
Na Fundación Wikimedia facemos lo posible por furnir conteníu educativu y informativu a una audiencia mui estensa, pero l'usu que faigas de los nuesos servicios ye baxo'l to únicu riesgu. Furnimos estos servicios "como son" y "como tán disponibles", y renunciamos espresamente a cualesquier garantía espresa o implícita de cualesquier mena, incluyendo pero nun llimitándose a garantíes implícites de mercantibilidá, idoneidá pa un usu particular y non infrautivu. Nun garantizamos que los nuesos servicios cumplan los tos requerimientos, seyan seguros, non interrumpíos, oportunos, precisos o llibres de fallos, o que la to información tea segura.
Nun somos responsables del conteníu, datos o aiciones de terceros, y esimes a los nuesos direutores, funcionarios, emplegaos y axentes de cualesquier reclamación o dañu, conocíu o non, que surda o tea de dalgún mou rellacionáu con cualesquier reclamación que tengas escontra terceros. Nengún avisu o información, seya oral o escrita, obtenida por ti de nós o al traviés de nós o de los nuesos servicios, crea nenguna garantía non afitada espresamente nestos Términos d'Usu.
Cualesquier material descargáu o obteníu de cualesquier otra forma al traviés del usu de los nuesos servicios faise baxo la to propia cuenta y riesgu, y tu vas ser l'únicu responsable de cualesquier dañu que se puea facer al to sistema o de cualesquier perda de datos que resulte de la descarga de talu material. Aceutes que nun tenemos responsabilidá o obligación pol desaniciu de, o'l fallu al guardar o tresmitir, cualesquier conteníu o comunicación caltenida pol serviciu. Reservamos el drechu a crear llímites d'usu y almacenamientu en cualesquier momentu con o ensin avisu previu.
Dalgunos estaos o xurisdicciones nun permiten les llimitaciones de responsabilidá d'esta seición, asina que nun puen aplicásete nin en parte nin na totalidá dependiendo de la llei.
15. Llimitación de responsabilidá
Destacao pa enfatizar
La Fundación Wikimedia nun va ser responsable énte ti o énte nenguna otra parte, de nengún dañu direutu, indireutu, accidental, especial, resultante o exemplar, incluyendo pero nun llimitándose a, daños por perda de beneficios, fondos, usu, datos o otres perdes intanxibles, independientemente de si fuera alvertida la posibilidá del mentáu dañu. De nenguna manera la nuesa responsabilidá sedrá mayor de mil dólares estaunidenses (1.000,00 USD) en total. Nel casu de que la llei aplicable nun permita la llimitación o esclusión de responsabilidá o de daños accidentales o resultantes, la llimitación o esclusión d'enantes nun se te sedrá aplicable, magar que la nuesa responsabilidá tará llimitada a la mayor posible permitida pola llei aplicable.
16. Modificaciones a estos Términos d'Usu
Como l'aporte de la comunidá de Wikimedia ye esencial pal crecimientu y caltenimientu de los Proyeutos, camentamos que l'aporte ye esencial pa qu'estos Términos d'Usu sirvan adecuadamente a los nuesos usuarios. Tamién ye esencial pa un contratu honráu. Poro, ufriremos estos Términos d'Usu, asina como cualesquier revisión futura sustancial d'estos Términos d'Usu, a la comunidá pa que seya comentada a lo menos trenta (30) díes enantes del fin del periodu de comentarios. Si una revisión futura propuesta ye sustancial, ufriremos un periodu de 30 díes adicionales pa comentarios depués de publicar una traducción de la revisión propuesta n'a lo menos tres llingües (seleicionaes pola nuesa cuenta). La comunidá sedrá animada a traducir la revisión propuesta a otres llingües como seya apropiao. Pa camudamientos por motivos llegales o alministrativos, pa correxir una afirmación inexauta, o camudamientos en rempuesta a los comentarios de la comunidá, ufrimos a lo menos tres (3) díes.
Como pue ser necesario modificar estos Términos d'Usu de cuando en vez, notificaremos tales modificaciones y la posibilidá de comentales al traviés de los sitios web de los Proyeutos, y al traviés d'una modificación en WikimediaAnnounce-l. Sicasí, pidímoste por favor que periódicamente revises la versión más anovada d'estos Términos d'Usu (disponible en https://foundation.wikimedia.org/wiki/Policy:Terms_of_Use). El to usu continuáu de los nuesos servicios depués de que los Términos d'Usu nuevos seyan oficiales tres del periodu de notificación y revisión constitúi una aceutación d'estos Términos d'Usu pela to parte. Pa la proteición de la Fundación Wikimedia y d'otros usuarios como tu, si nun aceutes los nuesos Términos d'Usu, nun pues usar los nuesos servicios.
17. Otros términos
Estos Términos d'Usu nun creen una rellación d'emplegu, axencia, sociedá o empresa conxunta ente tu y nós, la Fundación Wikimedia. Si nun roblasti un alcuerdu con nós per separáu, estos Términos d'Usu van ser l'únicu alcuerdu entre tu y nós. Si hai dél conflictu ente estos Términos d'Usu y un alcuerdu robláu per escrito ente tu y nós, l'alcuerdu escritu sedrá'l válidu.
Aceutes que podemos proporcionate avisos, incluyendo los rellacionaos cola modificación de los Términos d'Usu, tanto per corréu electrónicu como per corréu ordinariu o publicaciones nos sitios web de los Proyeutos.
Si en dalguna circunstancia nun aplicamos o facemos cumplir dalguna disposición d'estos Términos d'Usu, nun tamos renunciando a la mentada disposición.
Comprendes que, a nun ser que tea alcordao per escrito con nós de dalguna otra manera, nun esperes nenguna compensación por nenguna actividá, contribución o idea que nos apurras a nós, a la comunidá o a los Proyeutos o ediciones de Proyeutos de Wikimedia.
Nun siendo cualesquier disposición a la escontra nestos Términos d'Usu, nós (la Fundación Wikimedia) y tu aceutamos nun modificar los términos aplicables y requerimientos de cualesquier llicencia llibre emplegada nos Proyeutos o ediciones de Proyeutos cuando tala llicencia llibre tea autorizada por estos Términos d'Usu.
Estos Términos d'Usu foron escritos n'inglés (d'Estaos Xuníos). Anque esperamos que les traducciones d'estos Términos d'Usu seyan fieles, nel casu de qu'heba diferencies de significáu ente la versión orixinal inglesa y una traducción, la versión orixinal inglesa tien prioridá.
Si una disposición o parte d'una disposición d'estos Términos d'Usu ye atopada illícita, nula o inaplicable, esa disposición o parte de la disposición sedrá dixebrada d'estos Términos d'Usu y sedrá aplicada na so máxima estensión posible, quedando'l restu de les disposiciones d'estos Términos d'Usu con total vigor y efeutu.
¡Gracies!
Apreciamos qu'echaras tiempu en lleer estos Términos d'Usu, y ye pa nós un motivu de gayola que teas contribuyendo nos Proyeutos y usando los nuesos servicios. Per aciu de les tos contribuciones, tas ayudando a construyir dalgo bien grande; non solo una coleición importante de Proyeutos de referencia editaos collaborativamente que furnen educación y información a millones de persones que d'otru mou nun podríen tener accesu, sinón tamién una vibrante comunidá de xente afín y involucrada, enfocada nun fin mui noble.
These Terms of Use went into effect on June 16, 2014. Previous versions of the terms:
- Terms of Use (2012-2014): effective from May 24, 2012 until June 16, 2014
- Terms of Use (2009): effective from 2009 until May 24, 2012.
Téngase en cuenta que en caso de diferencias de significado o interpretación entre la versión original en inglés de esta política y su correspondiente traducción la versión original en inglés prevalece.