FAQ/pam

Wikimedia Foundation - Deng Pekamaralas a Kutang 2010

Nukarin munta ing pera ku?

Kareng tau ampo king teknolohia. Andiang metung la kareng limang maralas dang diling pupuntalan a proyektu king yatu deng Wikipedia ampo reng kayabe nang proyektu, Template:STAFF-COUNT la mu reng taung empleadu mi; pakilawe ya ing sampulung o overview da reng kekaming empleadu. Manga kapitna kareti ing magobra king teknolohia, at ating malating grupung tatalan king kekaming pamakiugnayan king malda ampong mangalap volunteer, at deng mitatagan, magobra la king pamangalap pondu ampong pamanibala. Bukud kaniti, ing suporta yu ing pikukuanan king pamayad kareng gamit a pang-teknolohia (servers ampong bandwidth) magpalakad ampong magparagul king Wikipedia.

King kabilugan, atiu ing Wikimedia Foundation bang magdala king misnang dagul a pamiugnayan da reng volunteer o magkusa a susulat ampong maniamasan o mag-edit king Wikipedia ampo kareng kayang kapatad a proyektu maigit 100,000 (dinalan a libung) tau – king mabilug a yatu.

Nanu ya ing Wikipedia king makuyad a salita?

Ing Wikipedia ing pekamaragul ampong pekasikat a enciclopdia king yatu. Atiu king Aptas o Internet (online), libri yang gamitan, ampong ala yang advertising. Atin yang maigit labing anam a miliung artikulong sinulat da reng volunteer o kusang sinulat kareng Template:WP-EDITIONS-COUNT amanu, at pupuntalan de reng Template:COMSCORE-UNIQUES miliung tau balang bulan, ania iti ing kalimang pekasikat a karinan o site king yatu. Matung yang obrang bunga ning pamisaup-saup a daragdagan da ampong sasamasan deng miliun-miliung tau kareng milabasan a siam a banua: deng sabla/eganagana, maliari deng samasan, king sanu mang oras. Ing Wikipedia ing maragul diling pamitipun ning beluan king kasalesayan ning tau, at misasanmetung la reng susuporta kaniti king karelang lugud king pamagaral, king karelang kapagnasan a mabiasa, ampo king karelang kamalayan king katutuan a lalung dakal ing balu tamu nung abe-abe tamu, kesa king nung kawa-kawani tamu ampong magdili-dili.

Nukarin ku manakit karagdagang impormasiu tungkul king pisalapian (financial information)?

2008–2009 Annual Report

The 2008–2009 Wikimedia Foundation Annual Report covers the previous fiscal year (July 1, 2008 to June 30, 2009) with a look-ahead to the next. This is our second annual report. The Wikimedia Foundation Annual Report is a summary of the organization's financials, program activities, milestones and accomplishments. Kayabe king 2008–2009 Wikimedia Foundation Annual Report ing tungkul king milabasan a banua (previous fiscal year, Julio 1, 2008 anggang Junio 30, 2009) kayabe ya ing suglap king tutuking banua. Ini ing kadua ming ulat king balang banua (annual report). Ing Ulat a Pangbanua ning Katagagan Wikimedia (Wikimedia Foundation Annual Report) metung yang sampulung o summary ning pisalapian ning aguman o organisasion, pamangimut agpang king balangkas (program activities), maulagang aldo petsa (milestones) ampong bageng ayari.

Kayabe la kareng pekamaulagang puntu deti:

• Pamamuklat king Usability Initiative ning Wikimedia
• Makiabe ya king Creative Commons ing Wikimedia
• Kapulungan a Wikimania king Alexandria, Ehipto
• Magumpisa ing open strategy planning process ning Wikimedia
• Matagummpeng pamangalap pondu ampong pamagparagul da ning palakad a pang(core)

Deng pekamaulagang paksa:

• Pamamuklat ning of Usability Initiative (Pangimut para king Malaguang Pamangamit) ning Wikimedia
• Mikiabe ya king Creative Commons ing Wikimedia
• Kapulungan a Wikimania king Alexandria, Egypt
• Magumpisa ing open strategy planning process ning (makabuklat a pamagplanu king kaparalanan king tactica ning Wikimedia
• Matagumpeng pamangalap pondu ampong pamagparagul kareng core operations (pangpundasiun o pangbusal a pamipalakad)

• PDF version (2.0 MB)

Ikuldas ya ing 2008-2009 Annual Report:

Magbalik king babo – Magkalub na kayu

Aguman yang Talasaup (Charity) ing Katatagan Wikimedia?

Wa. Ing Wikimedia Foundation metung yang aguman o organisasiong alang buis ampong e magtubu agpang king 501(c)(3), a maki tanggapan king San Francisco, California, USA. Maliari meng lon ing kekaming letter of tax-exemption ampo ing kekaming ulat pangpisalapian ampong banua-banuang pamag-file.

Magbalik king babo – Magkalub na kayu

Obat dapat kung manambag king Katatagan Wikimedia?

Ing obra ning Katatagan Wikimedia ya pin ing pamirake king malaguang paralan bang manikuang impormasiun kareng tau king mabilug a yatu—a alang bayad ampong alang patalastas o advertising. Metung kaming organisasiung e magtubu a magdependi king kekayung saup ba nang agawa ita. Diretsung miraras kareng kekaming pekasikat a proyektung saup-saup a misulat ampong misamasan a dalerayan o reference king yatu, kayabe ne ing Wikipedia, ing metung kareng limang pekasikat a karinan o site king yatu, ampo ing manimunang enciclopdiang megawa king mabilug a kasalesayan ning meto ketawan (humanity).

Mibalik king babo – Magkalub na kayu

Nanu la reng kekayung planu? Nukarin la papunta?

Anti king sinabi ning talat átag i Jimmy Wales: “Isipan me o pitsuran ing yatu nung nukarin ing balang tau maliari ya makarake ya king kabilugan ning beluan ning meto ketawan.” Karin ya papunta — at kailangan mi ing saup yu bang miras Karin.

Balang bulan, maigit la king Template:COMSCORE-UNIQUES miliun deng tau king yatung gagamit king Wikipedia. Makabili ya king Aptas o Internet (online ya), atiu king kekang cellphone o mobile device, king DVD, kareng libru, at dakal pang aliwang porma, anyu o alkus. Pagnasan ming miras kareng mas dakal pang tau, at taglus-taglus yang pasantingan ing uri ning impormasyun a bibye mi. Bang dasan ita, deni ing gagawan mi:

• gagawang lalung malagwa ing pamanambag beluan o impormasiun. Bayu-bayu pamu, inumpisan mi ya ing metung a proyectung pasantingan ing pamangamit kapamilatan ning sulat (text) ampong multimedia. Malyari kang manikwang karagdagang impormasiun king project website.
• maglalang gagamitan king pamanuru ampong pamagsane bang mas dakal la reng akuang talaturu, propesor, magaral, kukuang letraru, gagawang pelicula, sientista, manibalang aklatan (librarian), manibalang simpanan (archivist), manibalang museo (curator), hobbyist, ampong dakal pang aliwa. Magobra kami kayabe ya ing ugnayan o network da reng local a aguman a Wikimedia king mabilug a yatu ba lang ayabut deting tau, at agiagan lang saupan daka tamung lalu yang pasantingan ing Wikipedia. Ating karagdagang impormasiun king project website.
• manalkus o gagawang (developing) bayung tecnologia ampong kaparalanan o prosesu para king pamagmantini king calidad ae sasalungat king pangkabilugan a pangamakabusni ning Wikimedia. Para kareng maki interes a technical, kayabe la kareti deng tecnologia para king flagging edits ampo king detecting potentially problematic changes.
• mangutang king pangkabilugang yatung comunidad da reng talapatuntun (editor) ampong expertu, volunteer ampong talapanisip (thinkers) bang manalkus bayung uring tactica o paralan ba lang mas dakal deng ayabut a tau, a mas matas a calidad a gamit, ampong dagdagan ya ing bilang da reng volunteer o kusang sasaup. Ating karagdagang impormasiun tungkul king kekaming proyectung panglimang banua king project website.
• mititikdong dakal o mabanding pipamilinan a panyukad o metrics ba yang suportan ing pangimut a Wikimedia. Lawan ya ing kekaming monthly report card ampo ing kekaming statistics portal.
• gagawang malagwa ing pamanambag beluan o impormasiun. Bayu-bayu pamu, inumpisan mi ya ing metung a proyectung pasantingan ing pamangamit kapamilatan ning sulat (text) ampong multimedia. Malyari kang manikwang karagdagang impormasiun king project website.

Katataulian, misiun ming ingatan ya ing obrang megawa na: bawasan ing panganib a siran ning metung a calamidad o kasiran a tecnical ing metung a dake ning obra, at siguraduang taglus-taglus yang macocopia ya kareng dakal a lugal. E kami sabik a cumpaniang magumpisang pamu at mawala kilub na mu ning aduang banua – atiu kami para king pangmaluat a panaun.

Mibalik king babo – Magkalub na kayu

Makananu yeng babalansi ing panga-makabuklat o makabusni ning Wikipedia king panga-apagkatiwalan na niti?

Paniwalan ming lalu yang sasanting o sasalese ing Wikipedia kapamilatan da reng darakal a makiabe bang manambag articulo. Samantala, papaliarian mi la reng matas a batayan o standard, a sangkan king pamangalang da reng sientista, talaturu, journalists, ampong pundasiun king Wikipedia.

Magbalik king babo – Magkalub na kayu

Nanu ya ing Katatagan Wikimedia o Wikimedia Foundation?

Ing Wikimedia Foundation, Inc. o Katatagan Wikimedia ya pin ing organisasiun o aguman a pengari da reng miayaliwang proyectung libri kalamnan o free-content projects, kayabe ya ing Wikipedia, ing mirinan galal o award a encyclopedia king Aptas o online encyclopedia. Tetag neng Jimmy Wales ing Wikipedia aniang Enero 2001 at lelangan ne ing Katatagan Wikimedia Foundation aniang Junio 2003. Manibat king umpisa, atiu kami king metung a sangkan: ing libri ampong makabusning pamirake ning beluan. E mi pisasali ing impormasiun, at e ke tatanggap patalastas o advertising. Maging posibli ing kekaming obra uling king kekayung pamanambag. Daralan mi ing kalamnan a maliaring gamitan king pamanuru at pamikalat beluan ibat kareng proyectung deti kareng tau kareng eganaganang porma o uring maliari. Ing lalu ming yunang saupan deng pakakalulung comunidad a maki limitadung pamituglung king Aptas o Internet (connectivity) at manambag kaming libring impormasiun a maliaring gamitan king pamanuru o educacion.

Atin kaming maigit king 400 (apat a ralan) a server ba lang paganan deng kekaming proyectu, kayabe la reng kayanib a domain name (lagiung pangkarinan) ampong marca (trademark). Susuportan mi ing strategic software development (pangpamamamaralan a pamanalkus ning software) ning MediaWiki software ampong makaugneng kasangkapan, a sasaup ba lang dakal deng taung makiabe at mas epectibu yang makapagobra ing comunidad da reng magkusa o volunteer. Kayabe la kareti deng kasangkapan king pamanuru ampong pamanigaral ampong workshop a pangsuporta, at pagkapilitan ming misip masalese kareng aliwang paralan ba lang dagdagan deng talayambag ampong paragulan ya ing Wikimedia antimong pangimut a internacional o pangyatu para king timawang beluan o free knowledge.

Kareng eganaganang deti, sasaupan da kami deng local chapter a makatikdo kareng dakal a bangsa.

Mibalik king babo – Magkalub na kayu

Sanung proyectu ing susuportan yu?

Susuportan ne ning Katatagan Wikimedia ing Wikipedia, metung a enciclopdia king Aptas (online encyclopedia) ampong metung kareng pupuntalan dang diling karinan king Aptas o website king yatu. Kanita pang mitátag ya ing Wikipedia kanitang Enero 2001, ampo ing pangrehistru ning Katatagan Wikimedia aniang Junio 2003, makapagmulala ing kekaming pamandagul. Ing English Wikipedia, ing mumuna ming proyect, meragul ne king maigit Template:EN-WP-COUNT articulo ngeni. King kabilugan, maki Template:ALL-WP-COUNT articulo kareng anggang amanu ning Wikipedia.

Bukud king Wikipedia, susuporta ya murin ing Katatagan Wikimedia kareng makatuki:

• Wikimedia Commons, metung a simpanan mediang maki maigit Template:COMMONS-MEDIA-COUNT larawan, video, ampong simpan a katni (sound files)
• Wikibooks, proyectu bang maglalang librung pang-escuela (textbooks)
• Wiktionary, diccionariong dakal amanu (multilingual) ampo tesoro (thesaurus)
• Wikisource, aklatan da reng documentung batayan (source documents)
• Wikinews, karinan-Aptas a pang-balitang memalen (citizen news website)
• Wikiversity, metung a interactive learning platform (karinan ning pamagaral a miugnayan)
• Wikiquote, a pamitipun da reng sinabi (quotations)
• Wikispecies, piakitan o directorio ning bie king Yatu

Manimuna kami at sasaup king pamanalkus ning MediaWiki, ing makabuklat penibatan (open source) a wiki software a atiu kareng angga ming karinan king Aptas a pangmalda (public website). Sasaup kami king pamag-organisa king pamanabut kareng tau (outreach) ampong ocasion a pangbalen o pang-comunidad ba lang agiagan deng taung sumaup kareng kekaming proyectu, at mamie kaming downloadable offline copies (copiang e makatuglung-Aptas a maliaring ikuldas) ampong database archives (simpanan ning pamitipun-beluan) ning kalamnang Wikipedia.

Ating karagdagang impormasiun king bulung tungkul kekaming proyectu.

Mibalik king babo – Magkalub na kayu

Makananu reng pálakad ing Katatagan Wikimedia?

Ing Wikimedia Foundation atin yang tatalan a maki bilang a Template:STAFF-COUNT, a panimunan ning Executive Director, i Lila Tretikov. Susuporta la reng tatalan king obra da reng pilang dalan a libung volunteer a manambag kalamnan kareng proyectung Wikimedia. Susuportan de murin ing Katatagan Wikimedia deng e mabilang a volunteers a makiabe kapamilatan da reng comite, antimong intern, o king kaparalanan a ad hoc.

Bubulalag ne ning Board of Trustees ing damla’t talindo (mission and vision) ning Katatagan Wikimedia, susulitan (review) no reng planung pangmaluatan at sasaup ya king pamanalkus (development) da reti, manibala ya, at susuporta ya king obra ning Katatagan Wikimedia. Ya ing katataulian a manungkulan king katatagan Wikimedia agpang king kayang leyi o patakaran. Lon ya ing Kapulungan ampo ing Kapasyagan para kareng milimbag a kapasyagan ning Board.

Atin kaming tanggapan, a atyu king San Francisco, California (USA),nung nu la magobra deng keraklan kareng kekaming empleadu. Deng anggang kayanib ning board ampo reng mitatagan a tatalan magobra la manibat king malaut (remotely).

Pagkapilitan ming kimut king paralan a makabuklat (transparently), at makalimbag la reng manimunang patakaran ampo ing impormasiung pangpisalapian.

Mibalik king babo – Magkalub na kayu

Makananu reng poponduan ing Katatagan Wikimedia?

Poponduan de ing Wikimedia keraklan king kapamilatan da reng miayaliwang ambag ibat kareng pilang dalan a libung tau, ampong kapamilatan da reng pamagkalub (grant) at regalu da reng server ampong libring pamag-host (lon ya ing benefactors).

Tatanggap yang ambag manibat kareng 50 (limang pulung) bangsa king mabilug a yatu ing Katatagan Wikimedia. Mangalati la reng keraklan kareng ambag, dapot king karakal da reng manambag, megi keng matagumpe. Mamie la reng tau king mabilug a banua, at misan pabanua, mamie yang pormal a pakisabi para kareng ambag o donacion ing Katatagan Wikimedia.

We are not considering advertising as a source of revenue. Ala keng balak a gawan yang pikukuanan pondu ing advertising.

Atin yang 501(c)(3) tax exempt status (e re sisingilan buis) king Estados Unidos ing Katatagan Wikimedia. Maliari la muring mabawas king buis deng ambag ibat kareng aliwang bangsa. Lon ya ing deductibility of donations para kareng detalle. Paki-click keni para kareng detalle ning pamamieng ambag o donacion kapamilatan ning PayPal, MoneyBookers o postal mail. Para kareng aliwang uri ning pamanambag, maliari kayung makiugnayan kekami kapamilatan ning donatewikimedia.org.

Magbalik king babo – Magkalub na kayu

Magkanu ing alagang asahan yung akwa?

Mamása yang mika pondung $20.4 million ing planung 2010-11, o 28% maigit king asahan a pondung $15.9 million para king 2009-10.

More details about our finances can be found in our financial reports. Here is our 2010-11 Plan (PDF), and here is the Questions and Answers page related to it. Ating karagdagang detalle tungkul king kekaming pisalapian king kekaming ulat pangpisalapian.

Mibalik king babo – Magkalub na kayu

Ninu pang susuporta kekayu king parasan a iti?

Mánibat kareng indibidual ing keraklan kareng kekaming pondu – deng taung kalupa yu. Tatanggap kami mu namang grant ibat king comunidad ampo kareng pribadung pundasiun, ampo kareng saup a e pera ibat kareng corporacion. Maliari lang lon deti king kekaming bulung a Benefactors.

Mibalik king babo – Magkalub na kayu

Nukarin pa miragdagan ing balu ku tungkul kareng bayu yung gagawan?

Para king fiscal year 2008–2009, paki Kuldas ya ing 2008-2009 Annual Report: PDF version (2.0 MB)

Mibalik king babo – Magkalub na kayu

Makananu kung makapanambag?

Bang manambag, pakibisita ya ing our fundraising page. Makapanambag kayu kapamilatan ning sanu mang manimunang credit card (kayabe ya ing VISA, Mastercard, Discover o American Express), PayPal, Moneybookers, bank transfer, o kapamilatan ning pamagparalang cheque king Katatagan. Maliaring manambag kareng keraklan (dapot ali eganaganang) cualta.

Mibalik king babo – Magkalub na kayu

Nukarin ku makapagparalang cheque?

Parala la reng cheque king:

Mas buri mi nung deng cheque, U.S. dollars la a at karen lang U.S. bank account. Kareng cheque kareng aliwang cualta (bukud kareng U.S. dollar), o kareng aliwang account (bank account kilual ning America) maliaring masiadu lang iprosesu para kekami, at mabawas ing ulaga ning kekayung ambag. Nung ala kayung U.S. bank account, maliari yeng itas ing alaga ning kekayung ambag kapamilatan ning pamagparala kapamilatan ning Paypal o wire transfer.

Mibalik king babo – Magkalub na kayu

Nukarin ku maliaring magparalang form, sulat o aliwa pang bage king Katatagan Wikimedia Foundation?

Pakiparala la reng eganaganang kasulatan, kayabe no reng Payroll Deduction application ampong Matching Gifts form, king kekaming matatag a lockbox address:

Mibalik king babo – Magkalub na kayu

Malyari kung mamieng stock donation king Katatagan Wikimedia?

Tatanggap yang stock donation ing Katatagan Wikimedia. You malyari kang magkalub kapamilatan ning pamanalis stock ibat king kekang brokerage papunta ketang kekami kapamilatan ning pamamie king kekayung broker king kekaming lagyu, account number ampong DTCC clearing number.

Mibalik king babo – Magkalub ba kayu

Malyari lang ibawas king buis deng kakung ambag?

Pakilawe ya ing listan da reng bangsa para kareng detalle ning pamamawas king buis (tax-deductibility).

Mibalik king babo – Magkalub na kayu

Nung magkalub ku, makananu keng akua ing kakung tax receipt?

Nung magkalub kayu kapamilatan ning PayPal o credit card, makatanggap kayung tax receipt kapamilatan ning e-mail, bastu atiu king ambag ing kekayung e-mail. Maliari kayu namang maniad tax receipt para king kekayung ambag kapamilatan ning pamaniulat kekami king givingwikimedia.org (pakibili ya impormasiun nung nu kayu maliaring ayabut, ing paralan ning kekayung pamagkalub, ampo ing alaga ning kekayung ambag).

Magbalik king babo – Magkalub na kayu

Maliari kung mamieng targeted or restricted donation a kailangang gamitan king particular a bage?

Deng aguman a talasaup (charities) a makabasi king America, kayabe ya ing Katatagan Wikimedia, kailangan da lang tukian deng limitasiun da reng magkalub. Ing buri nang sabian niti, nung linawan yung ken yang particular a bage ing kekayung ambag, tukian mi ya ing kekayung pakisabi, o isubli mi ya ing kekayung ambag. Pero bayu yu gawan ita, sana isipan yung misna la karagul a saup kekami deng ambag a alang limitasiun. Ing balang limitaasiun, maki katuglung yang alaga o gastus king pamanibala ampong pamagplanu, at daragdagan na ing complicaciun.

Mibalik king babo – Magkalub na kayu

Ot ating pekamalating maliaring yambag?

Ing pekamalating maliaring yambag $1 ya. Tatanggap kaming mangalating ambag kareng taung e making dakal cualta, at taganang pasalamat kami kareng taung deta. Tutu pin, nung makabaldugan ya kekayu ing regalu, makanyan ya murin kekami. Nanupata, maralas, ating taung gagamit kareng kaparalanan a pang-donacion ba rong subuknan nung gagana la reng credit card a penako. Keraklan, gagamit lang malating alaga king dolar para king pamanyubuk: abalu ming e la magpursigi deti king $1 minimum.

Mibalik king babo – Magkalub na kayu

Nanung maliari kung gawan bang ikalat ing balita?

Ikalat ye ing balita king sanu mang paralang agyu yu! Sabian yu kareng kekayung kaluguran ampong familia. Sabian yu ing kabaldugan na kekayu ning Wikipedia. Kutang yu nung gagamitan de, at nung makanian, nung nanu ing kabaldugan na karela. Gamitan ye ing makasulat king lalam anting signature file king lalam da reng kekayung e-mail:

Lelangan mi ya ing pekamapiang pamitipun ning pirakeng beluan king kasalesayan. Saupan yeng ingatan ing Wikipedia. Magkalub kayu ngeni: http://wikimediafoundation.org/wiki/WMFJA1/en

Mibalik king babo – Magkalub na kayu

Makananu ing patakaran yu king pamaningat king pribado rang pamikilala deng magkalub?

Seriosu kami king pamaningat king katuliran da king pribadung pamikilala deng kekaming talapanambag. Pakilawe ya ing Katuliran da king Pribadung Pamikilala deng Talapanambag para kareng cumpletung detalle. King makuyad a salita, e mi ya pirake, pisali o paglibe kaninu man ing kekayung e-mail address.

Mibalik king babo – Magkalub na kayu

Makananu kung maliaring makiugnayan king Katatagan?

Pakilawe ye ing bulung a Makiugnayan kekami para kareng detalle.

Mibalik king babo – Magkalub na kayu